ಅಂಕಣ: ‘ಸ್ಫೂರ್ತಿಸೆಲೆ’
-
ಸ್ಪೂರ್ತಿಸೆಲೆ – 17 ಜೂನ್ 2013
ನಿಮ್ಮ ಸ್ವಂತ ಶ್ರಮದಿಂದ ಜೀವನದಲ್ಲಿ ಪ್ರಸಿದ್ಧ ವ್ಯಕ್ತಿಯಾಗಲು ಶ್ರಮಿಸಬೇಕು. ಅದಕ್ಕೆ ನಿಮ್ಮದೇ ಆದ ದಾರಿಯನ್ನು ಕಂಡುಕೊಳ್ಳಬೇಕು. ಆದರೆ ಇಂಥ ಪ್ರಯತ್ನದಲ್ಲಿ ಕೆಲವೊಂದು ಬಾರಿ ಹಿನ್ನಡೆಗಳು ಕಂಡು ಬರುತ್ತವೆ. ಅದಕ್ಕೆ ಎದೆಗುಂದಬಾರದು. ಅಂತಿಮವಾಗಿ ಗೆಲವು ನಿಮ್ಮದೆ.
-
ಸುಪ್ರಭತಾ – 15 ಜೂನ್ 2013
ನಿಮ್ಮ ಜೀವನವೇ ಒಂದು ಅಮೂಲ್ಯ ಸಂಗತಿ. ಇದು ಇಡೀ ಜಗತ್ತಿಗೆ ಒಂದು ಸಂದೇಶ ಕೊಡುತ್ತಿರುತ್ತದೆ. ಹೀಗಾಗಿ ನಿಮ್ಮ ಜೀವನದಿಂದ ಯಾವ ರೀತಿ ಸಂದೇಶ ಹೋಗುತ್ತದೆ ಎಂಬ ಕಲ್ಪನೆ ಇರಲಿ. ಇರುವಷ್ಟು ದಿನ ಉತ್ತಮವಾಗಿ ಬದುಕಿ, ಜಗತ್ತಿಗೆ ಆದರ್ಶವಾಗಿ.
-
ಸುಪ್ರಭತಾ – 13 ಜೂನ್ 2013
ಇಂದು ಎಂಬುದು ನಿಮ್ಮ ಮುಂದಿನ ಜೀವನದ ಮೊದಲನೆಯ ದಿನ ಎಂದು ಭಾವಿಸಿದರೆ, ಅದರ ಮಹತ್ವ ಚೆನ್ನಾಗಿ ಅರ್ಥವಾಗುತ್ತದೆ. ಈ ದಿನ ಪದೇ ಪದೆ ಬರುವುದಿಲ್ಲ. ಅದನ್ನು ಚೆನ್ನಾಗಿ ಉಪಯೋಗಿಸಿಕೊಂಡು ಸಾರ್ಥಕಪಡಿಸಿಕೊಳ್ಳಿ.
-
ಸುಪ್ರಭತಾ – 10 ಜೂನ್ 2013
ಜೀವನವೆಂಬ ಆಟದಲ್ಲಿ, ಒಮ್ಮೊಮ್ಮೆ ಜನ ಫುಟ್ಬಾಲ್ ಆಡುತ್ತಿದ್ದೇವೆಂದು ಭಾವಿಸಿ ನಮಗೆ ಒದೆಯುತ್ತಾರೆ. ಆದರೆ ಅವರಿಗೆ ಗೊತ್ತಿರುವುದಿಲ್ಲ, ಅವರು ನಮ್ಮನ್ನು ಗೋಲ್ಗೆ ಹತ್ತಿರ ತಲುಪಿಸುತ್ತಿದ್ದಾರೆಂದು. ಎಲ್ಲ ಹಿನ್ನಡೆಯೂ ನಿಮಗೆ ಕೆಡುಕಾಗುವುದಿಲ್ಲ.
-
ಸುಪ್ರಭತಾ – 07 ಜೂನ್ 2013
ನೀವು ಮಾಡುವ ಕೆಲಸಗಳ ಅಡ್ಡಪರಿಣಾಮ ಇತರರ ಮೇಲೂ ಆಗುತ್ತದೆ ಎಂಬ ಅರಿವು ಇರಲಿ. ನೀವು ಮಾಡುವ ಕೆಲಸಗಳು ನಿಮಗಷ್ಟೇ ಅನ್ವಯವಾಗುತ್ತವೆ ಎಂಬ ಭ್ರಮೆಯಿಂದ ಹೊರಗೆ ಬನ್ನಿ. ಏನೇ ಮಾಡಿದರೂ, ಅದು ಇತರರಿಗೆ ಅಡ್ಡಿಯಾಗದಂತಿರಲಿ.
-
ಸ್ಪೂರ್ತಿಸೆಲೆ
ಸಂಬಂಧಗಳೆಂದರೆ ಗಾಜಿನ ಹಾಗೆ. ಜೀವನದಲ್ಲಿ ಅನಿವಾರ್ಯ ಪರಿಸ್ಥಿತಿಯಲ್ಲಿ ಅದನ್ನು ಮುರಿಯಲೇಬೇಕಾದ ಪರಿಸ್ಥಿತಿ ಉಂಟಾದರೆ ಅಂಥ ನಿರ್ಣಯ ಕೈಗೊಳ್ಳುವುದೇ ಉತ್ತಮ. ಏಕೆಂದರೆ ಒಡೆದ ಮನಸ್ಸುಗಳಿಂದ ನೋವು ಅನುಭವಿಸುವುದಕ್ಕಿಂತ ಅದು ಉತ್ತಮ ನಿರ್ಧಾರವಾಗುತ್ತದೆ.
-
ಸ್ಪೂರ್ತಿಸೆಲೆ – 16 ಮಾರ್ಚ್ 2013
ಯಾವುದನ್ನೂ ಚಿಂತಿಸದೆ, ಹೆಚ್ಚು ಕೆಲಸ, ಕಡಿಮೆ ಬಯಕೆ, ಮೊಗದಲ್ಲಿ ಮುಗುಳ್ನಗು, ದೊಡ್ಡ ಕನಸುಗಳ ಮೂಲಕ ಉತ್ತಮ ಬದುಕು ಹೊಂದಿ. ಆಗ ನೀವೆಷ್ಟು ಅದೃಷ್ಟವಂತರೆಂದು ತಿಳಿಯುತ್ತದೆ.
-
ಸ್ಪೂರ್ತಿಸೆಲೆ – 17 ಮಾರ್ಚ್ 2013
ಯಾವುದನ್ನೂ ಚಿಂತಿಸದೆ, ಹೆಚ್ಚು ಕೆಲಸ, ಕಡಿಮೆ ಬಯಕೆ, ಮೊಗದಲ್ಲಿ ಮುಗುಳ್ನಗು, ದೊಡ್ಡ ಕನಸುಗಳ ಮೂಲಕ ಉತ್ತಮ ಬದುಕು ಹೊಂದಿ. ಆಗ ನೀವೆಷ್ಟು ಅದೃಷ್ಟವಂತರೆಂದು ತಿಳಿಯುತ್ತದೆ.
-
ಸ್ಪೂರ್ತಿಸೆಲೆ – 04 ಮಾರ್ಚ್ 2013
ಜೀವನದಲ್ಲಿ ಕಷ್ಟಗಳಿಗಿಂತ ಸುಖವೇ ಹೆಚ್ಚಿರುತ್ತದೆ. ನೋವಿಗಿಂತ ನಲಿವೇ ಜಾಸ್ತಿಯಿರುತ್ತದೆ. ಆದರೆ ಸಣ್ಣಪುಟ್ಟ ನೋವುಗಳು ಬಂದಾಗ ಬರಿದಾಯಿತೆಂಬಂತೆ ವರ್ತಿಸುತ್ತೇವೆ. ನಮ್ಮ ಆನಂದದ ಮೇಲೆ ನೋವುಗಳಿಗೆ ಸವಾರಿ ಮಾಡಲು ಬಿಡಬೇಡಿ.
-
ಸ್ಪೂರ್ತಿಸೆಲೆ – 18 ಜನೆವರಿ 2013
ಜೀವನದಲ್ಲಿ ಎಲ್ಲೂ ನಿಲ್ಲಬೇಡಿ, ಚಲನಶೀಲರಾಗಿರಿ ಎಂದರೆ ಹಿಂದಿನ ಎಲ್ಲಾ ವಿಚಾರಗಳನ್ನೂ ಮರೆತುಬಿಟ್ಟು ನಡೆವುದು ಎಂದಲ್ಲ. ಹೀಗೆಂದರೆ, ಹಿಂದೆ ಆಗಿರುವುದನ್ನು ಸ್ವೀಕರಿಸುವುದರ ಜೊತೆ ಜೊತೆಗೆ ಬದುಕು ಸಾಗುತ್ತಿರಲಿ ಎಂದರ್ಥ.
